विश्वकप छनोट क्रिकेटमा अमेरिकालाई हराउँदै नेपालले हासिल गर्‍यो महत्त्वपूर्ण अङ्क

आइसीसी विश्वकप छनोट क्रिकेट प्रतियोगिताको आफ्नो महत्त्वपूर्ण खेलमा नेपालले चिरप्रतिद्वन्द्वी संयुक्त राज्य अमेरिकालाई छ विकेटले पराजित गरेको छ।

नेपाली बलरहरूले कसिलो बलिङ गर्दै अमेरिकालाई २०७ रनमा सीमित तुल्याएका थिए। जबाफमा भीम सार्कीको अर्धशतकसहितको मद्दतले नेपालले ४३ औँ ओभरमा निर्धारित लक्ष्य हासिल गरेको थियो।

पहिलो खेलमा जिम्बाब्वेसँग पराजित भएको नेपालले यो जितसँगै महत्त्वपूर्ण दुई अङ्क प्राप्त गरेको छ।

टस जितेर पहिले फिल्डिङ रोजेको नेपालले अमेरिकालाई एक ओभरको खेल बाँकी हुँदै २ सय ७ रनमा सीमित पार्‍यो। दोस्रो इनिङ्समा नेपालले ४३ औँ ओभरमा २११ रन बनायो।