जमुनाहा नाका बन्द

काठमाडाैं । नेपाल भारत सीमा नाका बन्द गरिएको छ ।
दुर्गा मुर्ति विसर्जनलाई ध्यानमा राख्दै आज एक दिन जमुनाहा नाका बन्द गरिएकाे जिल्ला प्रशासन कार्यालय बाँकेले जनाएकाे छ ।
हिन्दूहरुको महान् चाड वडादशैँकाे अवसरमा विजयदशमीदेखि स्थापना गरिएका दुर्गा मूर्तिहरु सेलाउन नदीतर्फ लैजाने क्रम चलेपछि आवश्यक सुरक्षा सतर्कता अपनाउन नाका बन्द गरिएकाे प्रशासनले जनाएकाे छ ।
दुर्गा मूर्ति विसर्जन र्‍याली निस्कने भएकाले र्‍यालीलाई सभ्य, शान्त, अनुशासित एवम् मर्यादित बनाउन प्रशासनले आज बिहान ८ बजेदेखि राति १२ बजेसम्म मदिराजन्य पदार्थको ओसारपसार, बिक्री वितरण तथा उपभोग निषेध गरेकाे छ ।
घटस्थापनाको दिनदेखि स्थापना गरिएको दुर्गाको मूर्ति ९ दिनसम्म विशेष पूजापाठ गरी दशैँको भोलिपल्ट अर्थात एकादशीका दिन आज सेलाउने परम्परा छ ।