यस्तै रह्यो जीवनको यो वर्ष
मेरो खुसी लुटिएको वर्ष
तिमी यो संसारबाट छुट्टिएको वर्ष
खै कसरी मनाउनु र मैले
यो नयाँ वर्ष र जीवनमा हर्ष ।।
कालो बादल आकाशमा
मडारिएको वर्ष
आँसुका अनन्त धारा बगेको वर्ष
सगरले हाम्रो संसार थिचेको
खुसीहरु सबै मिचिएको
अन्तिम रहेछ सबै कुरा
मायाको यो वर्ष
केही समय भएपनि संगसंगै रमाएको वर्ष ।।
दैवले दुःखी बनाएको वर्ष
तिमीलाई निको नहुने व्यथाले
समाएको वर्ष,
अन्तिम नै रहेछ मैले तिमीलाई
अस्पतालमा उपचार गराएको वर्ष ।।
मलाई छोडी नजाऊ नजाऊ भनी
अनुरोध गरेको वर्ष
अन्त्यमा सबैलाई छोडी तिमी
सधैको लागी शुन्यतामा हराएको वर्ष ।।
दुर्गा कुमारी भट्टराई
हरिवन सर्लाही
Durgaacharya439301@gmail.com
