३५ बुँदे माग लिएर मिर्गौलापीडित पुगे स्वास्थ्य मन्त्रालयमा

मिर्गौला पीडितहरूले स्वेच्छाले आफ्नो मिर्गौला दिन सकिने कानुनी व्यवस्था मिलाइनुपर्ने माग राखेका छन्।सोमबार दिउँसो स्वास्थ्य मन्त्रालयमा ज्ञापन पत्र बुझाउन पुगेका मिर्गौला पीडित सरोकार समितिले स्वेच्छाले मिर्गौला दान दिन पाउनुपर्ने लगायत विभिन्न ३५ माग राखेको हो।

उनीहरूले अंग प्रत्यारोपण दिने व्यक्तिलाई जीविकोपार्जनका लागि मासिक भत्ता प्रदान गरिनुपर्ने, मित/मितिनी, आमा, दाजु, भाई, बहिनी, साला, साली , भन्जाभान्जी, मित्यौरी साइनोले पनि मिर्गौला दान दिन पाउने कानुन बनाउन माग गरेका छन्।

उनीहरूले मिर्गौला बिरामीको ४० वर्ष भन्दा कम उमेरको हकमा २ पटकसम्म चेकजाँच सरकारले निःशुल्क गर्नुपर्ने माग राखेका छन्।

मानव अंग प्रत्यारोपण सात वटै प्रदेशमा चाँडो भन्दा चाँडो प्रत्यारोपण केन्द्रहरू सञ्चालन गरिनुपर्ने, हेमाडाइलासिस, पोजिटिभ डाइलासिस ७५३ वटै स्थानीय तहमा सञ्चालन गर्न पनि माग गरेका छन्।