वात्स्यायन वृद्दा आश्रममा कपडा तथा खाद्यान्न बितरण

पोखरा । नेपाल प्रहरी श्रीमती संघ गण्डकी प्रदेश पोखराको आयोजना तथा नेपाल प्रहरी श्रीमती संघ भृकुटीमण्डप काठमाण्डौकी केन्द्रिय अध्यक्ष लक्ष्मी कुंवरको नेतृत्वमा यही पौष २२ गते पोखरा- १४ वाछिबुडुवा स्थित रहेको वात्स्यायन वृद्दा आश्रममा न्यानो कपडा तथा खाधान्न वितरण कार्यक्रम सम्पन्न भएको छ ।

सेवा नै मुल धर्म हो भन्ने पवित्र भावनालाई आत्मसात गर्दै नेपाल प्रहरी श्रीमती संघकी केन्द्रिय अध्यक्ष लक्ष्मी कुंवरको प्रमुख आतिथ्यतामा सम्पन्न उक्त कार्यक्रममा आश्रममा अत्यावश्यक रहेको न्यानो कपडा र खाधान्न सामाग्री वितरण गरिएको हो । संघकी केन्द्रिय अध्यक्ष लक्ष्मी कुँवरले आश्रमका प्रतिनिधिलाई खाध्यान्न सामाग्री हस्तान्तरण गरी कार्यक्रमको उद्‌घाटन गर्नु भएको थियो भने आश्रममा रहेका महिला तथा पुरुषहरुलाई न्यानो कपडा समेत प्रदान गर्नुभएको थियो ।

कार्यक्रमकै अवसरमा उक्त आश्रमका प्रतिनिधिहरुले नेपाल प्रहरी श्रीमती संघ गण्डकी प्रदेश प्रति आभार तथा धन्यवाद व्यक्त गर्दै भावी दिनमा समेत सहयोगको अपेक्षा रहेको बताउनु भएको थियो ।