आज अर्घाखाँची जाँदै प्रधानमन्त्री प्रचण्ड

काठमाडाैं । प्रधानमन्त्री पुष्पकमल दाहाल प्रचण्ड आज अर्घाखाँची जाँदै हुनुहुन्छ ।

नेपाल पत्रकार महासंघ अर्घाखाँचीद्वारा आयोजित पर्यटन प्रवर्द्धन कार्यक्रम, २०८० को उद्घाटन गर्न प्रधानमन्त्री  प्रचण्ड आज अर्घाखाँची जान लाग्नुभएकाे हाे ।

अर्घाखाँचीको सदरमुकाम सन्धिखर्कस्थित टुँडिखेलमा महासंंघले पर्यटन प्रवर्द्धन कार्यक्रम राखेकाे छ । जिल्लाका पर्यटकीय क्षेत्रको पहिचान गरी धेरै भन्दा धेरै पर्यटक जिल्लामा भित्राउने उद्देश्यसाथ महासंघले मंसिर १३ गतेदेखि पर्यटन प्रवर्द्धन अभियान चलाइरहेकाे छ ।

जिल्लामा हुने अन्य कार्यक्रममा पनि प्रधानमन्त्री प्रचण्ड सहभागी हुनुहुनेछ ।