प्रधानमन्त्रीको भूमिकामा फिल्म खेल्दै केपी ओली

काठमाडाैं । नेकपा एमालेका अध्यक्ष एवं पूर्व प्रधानमन्त्री केपी शर्मा ओली फिल्म खेल्नुहुने भएकाे छ ।

एसिड आक्रमणबाट पीडित किशोरी र महिलाहरूका पीडा र जीवन कथालाई समेटेर निर्माण हुन लागेको फिल्म ‘नमेटिने घाउ’ मा अध्यक्ष ओलीले अभिनय गर्न लाग्नुभएकाे हाे । चलचित्रमा ओली प्रधानमन्त्रीको भूमिकामा देखिनुहुनेछ ।

आइतबार काठमाडाैंकाे बत्तिसपुतलीमा आयाेजित कार्यक्रममा अध्यक्ष ओलीले फिल्म ‘नमेटिने घाउ’काे शुभमुहुर्त गर्नुभयाे । अभिनेता रमित ढुंगाना लगायतकाे टाेलीले साे फिल्न निर्माण गर्न लागेकाे हाे ।

यसबारे सञ्चारकर्मीले साेधेकाे जिज्ञासामा अध्यक्ष ओलीले आफ्नाे फिल्ममा आफ्नाे भूमिका कम्मर मर्काउने र गाला तन्काउने नभएकाे बताउनुभयाे ।