सेयर बजार परिसूचक ५.३१ अंकले घट्याे

काठमाडौं । साताको पहिलो दिन सेयर बजार परिसूचक ५.३१ अंकले घटेर २०६१.७० मा कायम भएको छ ।

आज कारोबार भएका कम्पनीमध्ये एक सय ३२ को सेयर मूल्य घटेको छ । बढेका एक सय चाँर वटामध्ये युनिक नेपाल लघुवित्तले अग्रता लिएको छ । उक्त लघुवित्तको सेयर सर्किट लागेर बढेको छ । यसको प्रति कित्ता सेयर एक हजार दुई सय तीन रुपैयाँ ५० पैसा पुगेको छ ।

यस्तै सेयर मूल्य घटेका एक सय ३२ कम्पनीमध्ये महिला लघुवित्तको सर्वाधिक ५.३७ प्रतिशतले घटेको छ । ११ कम्पनीका सेयर मूल्य भने स्थिर रर्याे ।

आइतबार कारोबार रकममा पनि गिरावट छ । ९२ लाख ७२ हजार साँत सय ८२ कित्ता सेयर तीन अर्ब २१ करोड ६७ लाख २७ हजार दुई सय २१ रुपैयाँमा किनबेच भएको छ ।

सेयर कारोबारका आधारमा हिमालयन रिइन्स्योरेन्स लगातार शीर्ष स्थानमा कायम छ । हिमालयनको ३३ करोड ५८ लाख रुपैयाँको सेयर कारोबार भएको छ ।

सेयरको अन्तिम कारोबार मूल्य प्रति कित्ता ६ सय ८८ रुपैयाँ १० पैसा रर्याे । यसैगरि एसियन लाइफ इन्स्योरेन्सको १२ करोड ९८ लाख, निफ्राको १२ करोड, ज्ञादी ग्रुप अफ पावरको ११ करोड ८८ लाखको सेयर कारोबार भएको छ ।