जुवातास खेलिरहेको अवस्थामा विभिन्न स्थानबाट १८ जना पक्राउ

    काठमाडौं, ८ भदौ

 काठमाडौं, गोकर्णेश्‍वर नगरपालिका-८ बेशीगाउँबाट जुवातास खेलिरहेको अवस्थामा कागेश्वरी मनोहरा नगरपालिका-६ मूलपानी बस्ने ३६ वर्षीय भोला तिमिल्सेना समेत ११ जनालाई मंगलबार राति प्रहरीले पक्राउ गरेको छ । प्रहरी वृत्त बौद्धबाट खटिएको प्रहरीले उनीहरूलाई नगद ३ लाख १८ हजार २ सय ५० रुपैयाँ र एक बुक तास सहित पक्राउ गरेको हो ।

कास्की, पोखरा महानगरपालिका-१० उत्तम चोकबाट लुडो खेलिरहेको अवस्थामा सोही महानगरपालिका-१९ पुरन्चौर बस्ने ३६ वर्षीय श्याम श्रेष्ठ समेत ७ जनालाई मंगलबार राति प्रहरीले पक्राउ गरेको छ । वडा प्रहरी कार्यालय रामबजारबाट खटिएको प्रहरीले उनीहरूको साथबाट नगद २ लाख ४ हजार ५ सय रूपैयाँ बरामद गरेको छ ।

यस सम्बन्धमा प्रहरीले आवश्यक अनुसन्धान गरिरहेको छ ।