तीज गीतमा अभिनेता हमालको मञ्जुसँग छमछमी

काठमाडौँ । गायिका भावना आचार्य र गायक डेभिड शङ्करको स्वरमा रहेको नयाँ तीज गीत भिडियो सार्वजनिक गरिएको छ। सार्वजनिक ‘घर आँगनमा नाच फरर’ बोलको गीतमा गायिका भावनाकै शब्द तथा सङ्गीत रहेको छ । गीतको भिडियोमा महानायक राजेश हमाल र मञ्जु थापा फिचर्ड छन् । राजेश हमाल सङ काम गर्न पाउँदा नव मोडल मञ्जु थापा उत्साहित छिन् ।

भिडियोमा महानायक हमाल र मोडल मञ्जुको केमेस्ट्री सुहाएको छ।  भावना आचार्यका यसअघि बग्ने खोला, मुलको पानी, चट्ट रातो सारीमा, टिकटक चलाउने, ‘उडी उडी आ सुवा’लगायतका गीतहरू लोकप्रिय छन् । त्यस्तै गरी गायक डेभिडको पहिलो नम्बरमा,दर्शन सलाम जस्ता गीतहरू सफल छन्।

देवेन्द्र पाण्डेको निर्देशनमा बनेको भिडियोमा कोरियोग्राफी पनि निर्देशक पाण्डेकै रहेको छ । भिडियोको छायाङ्कन उत्सव दाहालले गरेका हुन् । भिडियो ओएसआर डिजिटलको अफिसियल च्यानल मार्फत सार्वजनिक गरिएको छ। यस पटकको तीजमा यो गीतले राम्रै प्रतिक्रिया पाउनेमा निर्माण टिम ढुक्क छन्।