अवैध लागूऔषध सहित पक्राउ

काठमाडौं, २० साउन

बर्दिया, मधुवन नगरपालिका-७ सुकुम्बासी भग्रैया टोल बस्ने ३४ वर्षीय पप्पु खाम्चा मगरलाई ८ सय ६० मिलिग्राम अवैध लागूऔषध ब्राउन सुगर जस्तो देखिने खैरो धुलो पदार्थ सहित शुक्रबार बिहान प्रहरीले पक्राउ गरेको छ । लागूऔषध ब्राउन सुगर बिक्रीबितरण भईरहेको भन्ने सूचनाको आधारमा ईलाका प्रहरी कार्यालय ढोढरीबाट खटिएको प्रहरीले उनको घर तलासी गर्दा उक्त लागूऔषध फेला पारी उनलाई पक्राउ गरेको हो ।

            मकवानपुर, हेटौंडा उपमहानगरपालिका-१९ गुम्बाचोकबाट करिब ५ किलो ४ सय ग्राम अवैध लागूऔषध गाँजा सहित पैदलयात्री सोही उपमहानगरपालिका-३ बसामाडी बस्ने ४२ वर्षीय लक्ष्मण बललाई शुक्रबार बिहान प्रहरीले पक्राउ गरेको छ । ईलाका प्रहरी कार्यालय नेवारपानीबाट खटिएको प्रहरीले जाँच गर्ने क्रममा उनलाई उक्त गाँजा सहित फेला पारी पक्राउ गरेको हो ।

यस सम्बन्धमा प्रहरीबाट थप अनुसन्धान भइरहेको छ ।