अवैध लागूऔषधसहित पक्राउ

काठमाडौं, २७ असार

काठमाडौं, चन्द्रागिरी नगरपालिका-२ बाट अवैध लागूऔषध खैरो हेरोइन जस्तो देखिने पदार्थ ८ ग्रामसहित ईलाम नगरपालिका-७ टुडिखेल बस्ने २८ वर्षीय श्रृजन कर्मचार्यलाई बुधबार बिहान प्रहरीले पक्राउ गरेको छ । सोही ठाउँस्थित चेक प्वाइन्टमा खटिएको प्रहरीले काकडभिट्टाबाट काठमाडौंतर्फ आउँदै गरेको बा.प्र.०१-००६ ख ५२०१ नम्बरको बसलाई जाँच गर्ने बसको सिटमुनी प्लाष्टिकमा लुकाई ल्याएको उक्त पदार्थसहित फेला पारी पक्राउ गरेको हो ।

सिरहा, औरही गाउँपालिका-५ बाट अवैध लागूऔषध गाँजा करिब ८ किलोग्रामसहित भारत मधुवनी लक्ष्मी गाउँ बस्ने १९ वर्षीय चन्दन कुमार साह भारतीलाई बुधबार बिहान प्रहरीले पक्राउ गरेको छ । प्रहरी चौकी औरही सिरहाबाट खटिएको प्रहरीले डिएल ११ एसडब्लु ९२३१ नम्बरको मोटरसाइकललाई जाँच गर्ने क्रममा उक्त गाँजासहित मोटरसाइकल चालक साहलाई पक्राउ गरेको  हो ।

यस सम्बन्धमा प्रहरीले थप अनुसन्धान गरिरहेको छ ।