बझाङमा हिमपहिरो : यार्सागुम्बा संकलन गर्न गएका दुईजना घाइते, तीनजना बेपत्ता

बझाङमा हिमपहिरोमा परी तीनजना बेपत्ता भएका छन् भने दुईजना घाइते छन् । आइतबार सुर्मा गाउँपालिका–२ को धानशेरा भन्ने ठाउँमा हिमपहिरो जाँदा यार्सागुम्बा संकलन गर्न गएकाहरू हिमपहिरोमा परेको प्रहरीले जनाएको छ ।तीन जना बेपत्ता र दुई जना घाइते भएको जिल्ला प्रहरी कार्यालय बझाङले जनाएको छ। कार्यालयका अनुसार प्रहरी टोली अहिले घटनास्थलतर्फ गएको छ ।जिल्ला प्रहरी कार्यालयका प्रहरी निरीक्षक जनक ढुंगानाको नेतृत्वमा र सशस्त्र प्रहरी बलका प्रहरी नायब निरीक्षक नेतृत्वको टोली घटनास्थलतर्फ गएको हो । घटनास्थल निकै टाढा भएकाले टोली पुग्न समय लाग्ने प्रहरीको भनाइ छ ।हिमपहिरोमा परेर घाइते भएका र बेपत्ता हुनेको परिचय भने खुलेको छैन ।