इजरायल–प्यालेष्टाइनबीच द्वन्द्व : एक जनाको मृत्यु, ३५ जना घाइते

प्यालेस्टिनी रेड क्रिसेन्ट सोसाइटीले जारी गरेको विज्ञप्तिमा इजरायली सैनिकले प्रहार गरेको गोली छातीमा लागेपछि १९ वर्षीय बद्दर अल–मसरीको अस्पतालमा मृत्यु भएको जनाइएको छ । घाइते ३५ जना प्यालेस्टिनीमध्ये दुई जनाको अवस्था गम्भीर छ ।

गत जनवरी यता उक्त क्षेत्रमा इजरायली र प्यालेस्टिनीबीच भएका शृङ्खलाबद्ध झडपमा २४ जना इजरायली र एक सय ७५ जना प्यालेस्टिनीले ज्यान गुमाएका छन् । प्यालेष्टिनी पक्षबाट ज्यान गुमाउनेमा अधिकांश बालबालिका र महिला छन् ।– (रासस)