महाकुम्भ मेलामा मृत्यु हुनेको संख्या ३० पुग्यो, ६० घाइते

नयाँ दिल्ली । भारतको उत्तर प्रदेशमा हिन्दूहरूको महाकुम्भ मेलामा बुधबार बिहान भागदौड हुँदा कम्तीमा ३० जनाको मृत्यु हुनुका साथै अन्य ६० जना घाइते भएको प्रहरीले जनाएको छ ।

गंगा, यमुना र सरस्वती तीन नदीको संगममा स्नान गर्न करिब १० करोड मानिस भेला भएका थिए ।
मृतक ३० मध्ये २५ जनाको सनाखत भइसकेको र बाँकी शवको पहिचान हुन बाँकी रहेको प्रहरीले जनाएको छ ।

एक वरिष्ठ प्रहरी अधिकारीले स्थानीय समय अनुसार बिहान १ः०० देखि २ः०० बजेको बीचमा भागदौड भएको जानकारी दिए ।

Comments are closed.