भारतलाई हराउनु विश्वकप जित्नु होइन– रिजवान

पाकिस्तानका विकेट किपर ब्याट्सम्यान रिजवानले भारतलाई हराउनु विश्वकप जित्नु होइन भनेका छन् । एउटा कार्यक्रममा अन्तर्वार्ता दिने क्रममा मोहम्मद रिजवानले यस्तो कुरा बताएका हुन् ।

यसअघि भारतीय मिडियाहरुले भारतलाई उसैको भूमिमा पराजित गर्नु पाकिस्तानको लागि विश्वकप जितेसरि हुने बताएका थिए ।

यसको जवाफमा रिजवानले भारतलाई हराउनु विश्वकप जितेको जस्तो नहुने बताउँदै विश्वकप जित्नु आफ्नो प्रमुख उद्देश्य भएको बताएका थिए ।

आईसीसी अन्तर्गत हुने एकदिवसिय क्रिकेटमा पाकिस्तानले अहिलेसम्म भारतलाई पराजित गर्न सकेको छैन ।

पाकिस्तानले सन २०१७ मा पहिलो पटक च्याम्पियनसिप ट्रफीको फाइनल र दोश्रो पटक सन् २०२१ मा टी२० विश्वकप क्रिकेटको लिग चरणको खेलमा पराजित गरेको थियो ।

गत वर्ष सम्पन्न एसिया कपको लिग चरणको खेलमा भने पाकिस्तानले भारतलाई पराजित गरेको थियो ।

उक्त कार्यक्रममा कप्तान बाबर आजम र रिजवानको उपस्थिति रहेको थियो ।