मृत अवस्थामा फेला

काठमाडौं, ४ भदौ

सुनसरी, ईटहरी उपमहानगरपालिका-११ डेरा गरी बस्ने धनकुटा लेगुवा घर भएका दुर्गा बहादुर अधिकारीको छोरी ५ वर्षीया मेरीना अधिकारी घर नजिकै रहेको पैनीमा शुक्रबार मृत अवस्थामा फेला परेकी छिन् ।

गुल्मी, चन्द्रकोट गाउँपालिका-८ बाघखोला नजिकै बडिगार्ड खोलामा मुसिकोट नगरपालिका-६ गुर्जङ बस्ने ५२ वर्षीया बाल कुमारी गन्धर्व शुक्रबार मृत अवस्थामा फेला परेकी छिन् ।

बाँके, जानकी गाउँपालिका-५ छतेनपुर बस्ने मुङसिलाल करवलको छोरा ७ वर्षीय सन्जु करवल सोही ठाउँस्थित नालामा शनिबार मृत अवस्थामा फेला परेका छन् ।

काठमाडौं महानगरपालिका-२५ भेडासिंहस्थित मन्दिर नजिकै हाल नाम, थर, वतन नखुलेका अन्दाजी ५५ वर्षीय पुरुष शुक्रबार मृत अवस्थामा फेला परेका छन् ।

सुर्खेत, बराहताल गाउँपालिका-५ अजेरीस्थित सोत खोलाको किनारमा हाल नाम, थर, वतन नखुलेका अन्दाजी ४६ वर्षीय पुरुष शुक्रबार मृत अवस्थामा फेला परेका छन् ।

यस सम्बन्धमा प्रहरीले थप अनुसन्धान गरिरहेको छ ।