चिकित्सक दुर्व्यवहार गर्ने प्रहरी शम्भुजंग गुरुङ निलम्बित

काठमाडौँ । राष्ट्रपतिको सवारीका बेला चिकित्सकलाई दुर्व्यवहार गर्ने प्रहरी वरिष्ठ हवल्दार शम्भुजंग गुरुङ निलम्बित भएका छन् ।

शुक्रबार राष्ट्रपति भण्डारीले प्रतिनिधिसभा र राष्ट्रियसभालाई संयुक्त सम्बोधन गर्ने कार्यक्रम थियो । सवारीका कारण लामो समयसम्म सर्वसाधारणले जाममा बसेका थिए । त्यस क्रममा राष्ट्रिय ट्रमा सेन्टर बाहिर चिकित्सक जनिथलाल सिंह कुटपिटमा परेका थिए ।

राष्ट्रपति विद्यादेवी भण्डारीको सवारीका क्रममा चिकित्सकलाई दुर्व्यवहार गर्ने प्रहरी प्रधान कार्यालयले प्रहरी वृत्त, जनसेवामा कार्यरत प्रहरी वरिष्ठ हवल्दार शम्भुजंग गुरुङलाई निलम्बन गरेको हो ।