सिन्धुपाल्चोकको हेलम्बुमा जिप दुर्घटना हुँदा दुई भुटानी नागरिकको मृत्यु

काठमाडौं । सिन्धुपाल्चोकको हेलम्बु गाउँपालिका–१ दोरिङ भिरमा बुधबार जिप दुर्घटना हुँदा दुई जनाको ज्यान गएको छ ।
ज्यान गुमाने दुवै भुटानी नागरिक हुन् । दुर्घटनामा अन्य पाँच जना घाइते भएका छन् ।
प्रहरीका अनुसार ज्यान गुमाउनेमा ३३ वर्षीय अब्गो र ७१ वर्षीय वाङ्मु रहेका छन् ।
घाइतेमध्ये चार जना भुटानी नागरिक र एक नेपाली रहेका छन् । घाइते एक जिप चालक हुन् । भुटानबाट नेपाल घुम्न आएका पर्यटक चढेको बा २ च ४४५० नम्बरको बोलेरो जिप दुर्घटनामा परेको हो । दुर्घटनाका घाइतेलाई हेलिकप्टरबाट उपचारका लागि काठमाडौं ल्याइएको छ ।