चितवन – रत्ननगर–१५, माधवपुरमा आयोजित राष्ट्रिय भजन तथा शंखवादन प्रतियोगिता उत्साहपूर्ण रुपमा सम्पन्न भएको छ। माधवपुर मठ मन्दिर तथा धार्मिक संघ–संस्था समन्वय समितिको आयोजना तथा वडा कार्यालय रत्ननगर–१५ को संरक्षणमा शनिवार सम्पन्न प्रतियोगिताले धार्मिक पर्यटन र संस्कृतिको प्रवर्द्धनमा नयाँ ऊर्जा थपेको छ।
कार्यक्रममा शंखवादनतर्फ रोहण खनाल, देवघाट प्रथम, सुमित घिमिरे, देवघाट द्वितीय र परमेश्वर पोखरेल, रत्ननगर तृतीय भएका छन्। यस्तै भजन तर्फ रामजानकी बालिका आश्रम, देवघाट प्रथम, मगर भजन समूह, सिन्धुली, द्वितीय र ओम कार्येश्वर भजन समूह, तारकेश्वर, काठमाडौं तृतीय भएका छन् ।
प्रतियोगितामा गणेश पाँचायन भजन समूह, भरतपुर–२१ ले सान्त्वना पुरस्कार प्राप्त गरेको छ। प्रतियोगितामा ५ जिल्लाका १८ भजन टोली सहभागी भएका थिए।
