आगलागीबाट विभिन्न धनमाल जलेर नष्ट

काठमाडौं, ४ भदौ

काठमाडौं महानगरपालिका-१६ माछापोखरी बुद्ध महल पछाडीको करीडोरको सडक किनारामा पार्किङ गरी राखेको बा .१ प ८८३ नम्बरको बस र ना.६ ख ९९६१ नम्बरको बसमा शुक्रबार राति अचानक आगलागी हुँदा दुवै बस जलेर क्षति भएको   छ ।

भोजपुर, टेम्केमैयुङ गाउँपालिका-२ छिनामुखु बस्ने सूर्य प्रसाद राईको घरमा शुक्रबार दिउँसो आगलागी हुँदा घर, घरभित्र रहेको लत्ताकपडा, भाडावर्तन, काठपात, जिन्सी सामान जलेर करिब २० लाख रूपैयाँ बराबरको धनमाल नष्ट भएको छ ।   गोरखा, आरुघाट गाउँपालिका-३ स्वाँरा गाउँ बस्ने ७३ वर्षीय राम बहादुर आलेको गोठमा शुक्रबार साँझ आगलागी हुँदा गोठ र गोठमा रहेको अन्नपात पूर्णरुपमा जलेर क्षति भएको छ । साथै आगलागीमा जलेर घाइते भएका राम बहादुर आलेलाई उपचारको लागि आरुचनौटे प्राथमिक स्वास्थ्य केन्द्र आरुघाट पठाइएको छ ।

पाँचथर, फाल्गुनन्द गाउँपालिका-७ बरबोटे बस्ने बिष्णु कुमार आङदेम्बेको घरमा शनिबार बिहान आगलागी हुँदा घर र घरभित्र रहेको अन्नपात, लत्ताकपडा, भाँडावर्तन लगायतका सरसामान पूर्णरूपमा जलेर करिब ४ लाख रूपैयाँ बराबरको धनमाल नष्ट भएको छ ।

प्रहरी, स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले थप अनुसन्धान गरिरहेको छ ।