आगलागीबाट विभिन्न धनमाल जलेर नष्ट

ओखलढुङगा, २९ पुस

सुनकोशी गाउँपालिका-८ आमभोटे बस्ने जानुका मगरको घरमा विद्युतको तार सर्ट भई शुक्रबार बिहान आगलागी हुँदा घर, घरभित्र रहेको अन्नपात, लत्ताकपडा लगायतका सामान जलेर करिब ४ लाख रूपैयाँ बराबरको धनमाल नष्ट भएको छ ।

प्रहरी चौकी कोषाहाटबाट खटिएको प्रहरीले स्थानी बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।