स्वरसम्राट नारायण गोपालको ३४ औं स्मृति दिवस आज, विविध कार्यक्रम गरी मनाइँदै

काठमाडौं । स्वरसम्राट नारायण गोपालको ३४ औं स्मृति दिवस आज विभिन्न कार्यक्रम गरी मनाइदैँ छ ।असंख्य कालजयी गीतका सर्जक तथा जादुमय स्वरका धनी स्वरसम्राट नारायणगोपालको जन्म बुबा आशगोपाल गुरुवाचार्य र आमा रामदेवी गुरुवाचार्यको कोखबाट १९९६ असोज १८ गते काठमाडौंमा भएको थियो ।उनको विसं २०४७ मंसिर १९ गते ५१ वर्षको उमेरमा निधन भयो। नेपाली सांगीतिक क्षेत्रमा गहिरो प्रभाव छाडेर संसारबाट विदा भएका स्वरसम्राट अहिले पनि जनजनको मनमनमा जीवन्त जस्तै छन्।