इजरायलले गाजामा इन्धन आउन रोक्दा अस्पताल बन्द हुने जोखिम बढ्यो

गाजा । प्यालेस्टिनी रेड क्रिसेन्टले अस्पतालहरू सञ्चालन जारी राख्ने हो भने गाजामा मानवीय सहायतामा इन्धन समावेश गरिनुपर्ने बताएको छ। बीबीसी रेडियो ५ लाइभ कार्यक्रममा बोल्दै, रेड क्रिसेन्टका नाबेल फसाखले भने, ‘यस मानवीय सहायतामा इन्धन समावेश छैन जुन अस्पतालहरू सञ्चालन जारी राख्नको लागि महत्त्वपूर्ण छ।’

गाजाको अवस्थालाई ‘हृदयविदारक’ भनेर वर्णन गर्दै उनी भन्छन्, “यदि हामीसँग इन्धन सकियो भने अस्पतालहरू बन्द हुनेछन्।” इजिप्टसँगको गाजाको सिमानामा रहेको रफाह सीमा नाका शनिबार खोलिएको छ।

इजरायलले राहत सामग्रीले भरिएका २० ट्रकलाई गाजा प्रवेश गर्न अनुमति दिएको छ । जसमा औषधि, खाना, पानी र कफिनहरू थिए तर इजरायलले इन्धनलाई सीमा पार गर्न अनुमति दिन अस्वीकार गरेको छ।