एमाले केन्द्रीय कमिटी बैठक फागुन ८ गतेदेखि

काठमाडाैं । नेकपा एमालेले केन्द्रीय कमिटीको बैठक बोलाएको छ ।
पार्टी केन्द्रीय कार्यालय च्यासलमा बिहीबार बसेको सचिवालय बैठकले फागुन ८ देखि १० गतेसम्म बस्ने गरी केन्द्रीय कमिटी बैठक बोलाउने निर्णय गरेको हो ।
केन्द्रीय कमिटीको बैठकका लागि तर्जुमा गर्ने एजेण्डाका विषयमा बैठकमा छलफल भएकाे महासचिव शंकर पोखरेलले जानकारी दिनुभयाे । केन्द्रीय कमिटी बैठकका वर्तमान राजनीतिक अवस्थाको समीक्षा, सांगठनिक प्रतिवेदन र संगठन सुदृढिकरण सम्बन्धी विशेष कार्ययोजना राख्ने तय भएकाे उहाँले बताउनुभयाे ।