कांग्रेसलाई अन्तर्घात राेगबाट मुक्त गर्नुपर्छ : देउवा

काठमाडाैं । नेपाली कांग्रेसका सभापति शेरबहादुर देउवाले कांग्रेसलाई आगामी चुनावमा चुनावमा बहुमत प्राप्त पार्टीकाे रुपमा स्थापित गर्नुपर्ने बताउनुभएकाे छ ।

पार्टीको मधेस प्रदेश सम्मेलनलाई बिहीबार जनकपुरमा सम्बोधन गर्दै सभापति देउवाले पार्टीलाई अन्तर्घातको ठूलो रोग लागेको बताउनुभयाे । पार्टीभित्र रहेकाे अन्तर्घात गर्ने रोगलाई मुक्त गर्नुपर्ने उहाँले बताउनुभयाे ।

अविश्वास र अन्तर्घातलाई रोकेर एकताबद्ध हुन सके कांग्रेसलाई बहुमत प्राप्त पार्टी बनाउन सकिने सभापति देउवाले बताउनुभयाे । कांग्रेसलाई बहुमतप्राप्त बनाउन लागि एकजुट भएर संगठन निर्माणमा जुट्न उहाँले नेता-कार्यकर्तालाई आग्रह गर्नुभयाे । कांग्रेस बलियो भए मात्रै संविधान र परिवर्तनको रक्षा हुने सभापति देउवाकाे दाबी थियाे ।

वर्तमान निर्वाचन प्रणालीका कारण कुनै पनि पार्टीको एकल सरकार बनाउन नसक्ने अवस्था रहेकाले गठबन्धन गर्नुपरेको समेत उहाँले बताउनुभयाे ।