गृहमन्त्रीमाथि खनिएपछि रविलाई चेतावनी– ‘सधैँ पहिलेजस्तो छुट हुन्न’

काठमाडौँ । शुक्रबार ललितपुरको बालकुमारीमा भएको घटनाले राजनीतिक वृत्तमा खैलाबैला मच्चिएको छ । सडकमा गृहमन्त्री नारायणकाजी श्रेष्ठदेखि भौतिक पूर्वाधारमन्त्री प्रकाश ज्वालाको राजीनामा माग्दै प्रदर्शन भइरहेका छन् । यो घटनाका सन्दर्भमा संसदीय समितिले पनि चासो देखाएको छ । त्यसैले यसबारे धारण बुझ्न सोमवार गृहमन्त्री श्रेष्ठलाई समितिले छलफलमा बोलाएको थियो । समिति वैठकमा रास्वपा सभापति रवि लामिछाने गृहमन्त्री श्रेष्ठविरुद्ध खनिएपछि श्रेष्ठले पनि कडा जवाफ फर्काएका छन् । लामिछानेले विषयान्तर गर्दै गृहमन्त्रीप्रति प्रति आक्रोश पोखेपछि श्रेष्ठले पनि सवाल जवाफ फर्काएका छन् । गृहमन्त्री श्रेष्ठको यस्तो जवाफले द्वन्द्व बढ्ने संकेत देखा परेको छ ।