काठमाडौं । प्रमुख प्रतिपक्षी दल नेपाली कांग्रेसले उपप्रधान तथा गृह मन्त्री रवि लामिछानेलाई बोल्न नदिने भएको छ ।
सहकारी ठगी प्रकरणमा लामिछानेमाथि छानबिन गर्न संसदीय समिति नबनेसम्म रोष्टममा बोल्न नदिने कांग्रेसले निर्णय गरेको छ । मंगलबार पार्टी सभापति शेरबहादुर देउवाको निवास बुढानीलकण्ठमा बसेको नेपाली कांग्रेसको कार्यसम्पादन समिति बैठकले संसदीय छानबिन समिति गठन नभएसम्म लामिछानेको जवाफ नसुन्ने निर्णय गरेको पार्टी प्रवक्ता प्रकाशशरण महतले जानकारी दिनुभयो ।
बैठकपछि सञ्चारकर्मीसँग कुरा गर्दै उहाँले कांग्रेसले उठाएको माग सरकारले बेवास्ता गरेको भन्दै आक्रोश व्यक्त गर्नुभयो । ‘त्यसबाट सहकारी ठगीमा गृह मन्त्रीको संलग्नता छ भन्ने कुरा स्पष्ट हुँदै छ, होइन भने समिति गठनमा किन आपत्ति भयो ?’, उहाँले भन्नुभयो ।
भोलि प्रतिनिधि सभा बैठकमा गृह मन्त्रीले सांसदहरूले उठाउनुभएको प्रश्नको जवाफ दिने कार्यक्रम रहेको छ । भोलि संसदमा मन्त्रालयगत प्रश्नको जवाफ दिने क्रममा गृह मन्त्रीले जबरजस्ती गर्न खोजे कांग्रेस सोही हिसाबले प्रस्तुत हुने उहाँले चेतावनी दिनुभयो ।
उपनिर्वाचनको लागि उम्मेदवार तय गर्न बसेको बैठकले मूल काम भने गर्न सकेन । त्यसका लागि भोलि दिउँसो चार बजे बैठक बोलाइएको उहाँले बताउनुभयो ।
Trending Now
- Anil Kapoor Shines at IIFA 2024, Wins Best Supporting Actor for Animal
- India to build 12 high-impact Nepal projects
- SpaceX crew blasts off to bring back stranded astronauts after Hurricane delay
- IDF Kills Senior Hezbollah Commander Nabil Qaouk in Beirut Airstrike
- Water levels in rivers across Nepal exceed danger mark
- Domestic flights, which had been disrupted for three days, are now back to regular operations
- Death toll from floods and landslides reaches 148
- Korean startup Dtonic, winner of the first edition of South Summit Korea 2024
- Nepal Prime Minister K.P. Sharma Oli addressed a public event Harvard Kennedy School on “Nepal’s Perspective: From Transitional Justice to Climate Justice.”
- Maldives President Mohamed Muizzu planning to visit India “as soon as possible”
Comments are closed.