मौन अवधिमा बोल्यो अनेरास्ववियु, सरकार र प्रतिस्पर्धीमाथि खनियो

काठमाडौँ । नेकपा एमाले निकटको विद्यार्थी संगठन अनेरास्ववियु स्ववियु निर्वाचनको मौन अवधिमा सरकार र प्रतिस्पर्धी विद्यार्थी संगठनमाथि खनिएको छ । अनेरास्ववियुले शुक्रबार विज्ञप्ति जारी गर्दै मौन अवधिमा सरकार र प्रतिस्पर्धी विद्यार्थी संगठनमाथि खनिएको हो ।

अनेरास्ववियुका अध्यक्ष समिक बडाले विज्ञप्ति जारी गर्दै स्ववियु निर्वाचनमा सत्ताधारी विद्यार्थी संगठनहरुले विभिन्न क्याम्पस र विश्वविद्यालयहरुमा आगजनी, तोडफोड र तालाबन्दी गरिरहेको भन्दै आपत्ति जनाएका छन् ।  अनेरास्ववियुले सहजताका साथ विजय हासिल गर्ने क्याम्पसहरूमा क्याम्पस प्रमुख र निर्वाचन समितिका प्रमुखहरूलाई सुरक्षा चुनौती हुनेगरी सत्ता गठबन्धनका विद्यार्थी नेता तथा कार्यकर्ताहरूले  गतिविधि गरिरहेको उनले आरोप लगाएका हुन् ।

उनले विश्वविद्यालयका कुलपति समेत रहेका प्रधानमन्त्री र सत्ता गठबन्धनका शीर्ष नेताहरू  विश्वविद्यालयका पदाधिकारी र क्याम्पस प्रमुखहरूलाई धम्की दिने काममा अग्रसर भएको  विज्ञप्तिमा उल्लेख गरेका छन् ।