लक्ष्मणकृष्ण ताम्राकारको गीतिसंग्रह ‘नगाइएका गीतहरू’सार्वजनिक

ललितपुर । गीतकार लक्ष्मणकृष्ण ताम्राकारद्वारा रचना गरिएका गीतहरूको सङ्ग्रह ‘नगाइएका गीतहरू’ लोकार्पित भएको छ ।
सिर्जना अभियान समाजको आयोजनामा शनिबार सम्पन्न कार्यक्रममा प्रमुख अतिथि हाँस्य कलाकार मदनकृष्ण श्रेष्ठले कृति सार्वजनिक गर्दै गीतमा मनका भावनाहरू व्यक्त हुने भएकाले यसले सबैलाई मोहनीमा पार्ने बताए ।
साहित्यकार ध्रुव मधिकर्मीले कृतिमाथि समीक्षात्मक टिप्पणी गरे । गीतकार ताम्राकारले आफ्नो अनुभूति र भावनालाई अभिव्यक्ति दिएको बताए ।
कार्यक्रममा चुडामणि देवकोटा, जुजुकाजी रञ्जित, सरोजिनी तण्डुकार, डा।सविना श्रेष्ठ ताम्राकार र प्रतिसरा साय्मिलगायतले बोलेका थिए ।