काठमाडौं । भ्रष्टाचार मुद्दामा विशेष अदालतले ८ जनालाई दोषी ठहर गर्दै सजाय तोकेको छ ।मालपोत कार्यालय, टीकापुर कैलालीका तत्कालीन कार्यालय प्रमुख मोहन बहादुर स्नेही रसाइलीसहित ८ जनालाई अदालतले सोमबार दोषी ठहर गरेको हो । जसमा चार जना मुख्य अभियुक्त र चार जनालाई मतियार ठहर भएका छन् ।विशेष अदालतका अध्यक्ष टेकनारायण कुवर र न्यायाधीशहरू मुरारिबाबु श्रेष्ठ र विदुर कोइरालाको इजलासले रसाइलीलाई १ वर्ष, मानबहादुर चन्दलाई ९ महिना, अग्निबहादुर शाही र दशरथ मण्डललाई ६–६ महिना कैदको फैसला सुनाएको छ ।
यस्तै अदालतले मतियारको रूपमा बिन्द्रा रावल, कमलबहादुर रावल, शुसिलवहादुर रावल र विमल रावललाई ६ महिना कैद हुने फैसला सुनाएको छ । दोषी ठहर भएका मध्ये बिन्द्रा रावल ज्येष्ठ नागरिक भएकाले ७५ प्रतिशत कैद कट्टा भई १ महिना १५ दिनमात्र कैद बसे हुने फैसलामा उल्लेख छ ।
कैलालीको साबिक नारायणपुर–८ अन्तर्गतको कित्ता नम्बर ९०८ को जग्गा फिल्डबुकमा जङ्गल भनी कायम भएकोमा कित्ताकाट गरी मालपोत कार्यालयबाट २०६८ सालमा व्यक्तिको नाममा कायम गरेको भनी अख्तियार दुरुपयोग अनुसन्धान आयोगले ८ जनाविरुद्ध २४ करोड ६ लाख ६९ हजार रुपैयाँ भ्रष्टाचार मुद्दा दायर गरेको थियो।
Trending Now
- भीमदर्शन रोका स्मृतिकोषद्वारा शशी शाह र सहारा ज्येष्ठ नागरिक समाज सम्मानित
- Mark Carney sworn in as Prime Minister of Canada, new cabinet formed
- Macedonia nightclub fire: 51 dead, 100 injured
- Ghulam Ali, Aamir and Nazir’s voice “Ghazal Unkai Geet Unkai” released.
- The Sinja civilization is being studied for World Heritage listing
- सिएसआर’को रकम सबै प्रदेशमा कम्तिमा १० प्रतिशत खर्च गर्नैपर्ने
- पूर्वराजाको ‘एक्सपेरिमेन्ट’ फेल, संयुक्त जनआन्दोलन समितिमा भाँडभैलो
- प्रहरीमा स्टाफ कलेज कोर्स नरोक्न सर्वोच्चको आदेश
- चैत २८ देखि बिस्का जात्रा, तयारी तीव्र
- भरतपुरका १ सय २९ सुकुम्बासी घरधुरीलाई लालपूर्जा वितरण
Comments are closed.