काठमाडौं – भदौ २३ र २४ गते भएको जेनजी आन्दोलनमा ७६ जनाको मृत्यु भएको छ, जसमा आन्दोलनकारीतर्फबाटै २४ जनाको ज्यान गएको कार्की आयोगको प्रतिवेदनले औँल्याएको छ ।आयोगले घटनामा प्रहरी, सर्वसाधारण र विदेशी नागरिकहरू पनि मारिएका तथ्य सार्वजनिक गरेको छ। प्रतिवेदन अनुसार, आन्दोलनकारीको कुटपिटबाट तीन प्रहरीको मृत्यु भएको थियो ।
ब्यापारिक र निजी भवनमा आगलागीमा परी पाँच जनाको ज्यान गएको थियो भने निजी प्रतिष्ठानमा काम गर्ने कर्मचारी र सर्वसाधारण गरी तीन जनाको मृत्यु आन्दोलनकारीको आगलागीमा परेको थियो ।हायात होटलमा भारतीय नागरिकको मृत्यु भएको छ । भाटभटेनीमा जलेको अवस्थामा फेला परेका १२ जनाको सनाखत अझै हुन सकेको छैन ।प्रहरीको गोली लागेर ४२ जनाको मृत्यु भएको थियो भने १० जना कैदीबन्दी भाग्ने क्रममा गोली लागेर ज्यान गुमाएका थिए ।सरकारले तीन प्रहरी र प्रहरीको गोली लागेर ज्यान गुमाएका ४२ जनालाई सहिद घोषणा गरेको छ । जाँचबुझ आयोगले प्रदर्शनको क्रममा २ हजार ५२२ जना घाइते भएको तथ्य पनि सार्वजनिक गरेको छ ।
