पश्चिमी युगान्डामा आतंकवादी हमलामा ४२ विद्यार्थीको मृत्यु भएको पुष्टि

घटनामा बच्न सफल प्रत्यक्षदर्शीका अनुसार आक्रमणकारीले डोर्मिटोरीमा बम प्रहार गरेपछि विद्यार्थीहरूमाथि अन्धाधुन्ध धारिला हतियार प्रहार गरेका थिए । केही विद्यार्थीहरूलाई जिउँदै जलाइएको थियो ।

मारिने विद्यार्थीहरूको उमेर खुल्न सकेको छैन भने जलाइएकाहरूको शव पहिचान गर्नका लागि डीएनए परीक्षण गर्ने तयारी गरिएको छ ।

सेनाले विद्रोहीविरुद्ध अभियान सुरु गरेको छ । यसका लागि हेलिकप्टरहरू परिचालनसमेत गरिएको छ । एडीएफ सन् १९९० ताका स्थापना गरिएको थियो । राष्ट्रपति योवेरी मुसेभेनीले मुस्लिम समुदायमाथि अत्याचार गरेको भन्दै उनीहरूले सशस्त्र विद्रोह सुरु गरेका थिए । युगान्डाको कूल जनसङ्ख्याको १४ प्रतिशत मुस्लिम रहेका छन् ।