काठमाडौं– नेपाली कांग्रेसभित्रको आन्तरिक विवाद चर्किँदै जाँदा देउवा समूहका नेताहरू आज निर्वाचन आयोग पुगेका छन् ।
वरिष्ठ नेता विमलेन्द्र निधिको नेतृत्वमा आयोग पुगेको टोलीमा रमेश रिजाल, श्याम घिमिरे, कल्याण गुरुङ, जितजंग बस्नेतलगायतका नेताहरू सहभागी छन् ।
देउवा समूहका नेताहरूले पार्टीको वर्तमान राजनीतिक अवस्था, आन्तरिक निर्णय प्रक्रिया र निर्वाचनसम्बन्धी विषयमा आयोगको ध्यानाकर्षण गराउने उद्देश्यले आयोग पुगेको बताइएको छ ।
कांग्रेसभित्र पछिल्लो समय देखिएको शक्ति संघर्ष र निर्णयको वैधानिकताबारे असन्तुष्टि बढिरहेका बेला देउवा समूहको यो कदमलाई अर्थपूर्ण रूपमा हेरिएको छ।
यसैबीच, कांग्रेसको भ्रातृ संस्था नेपाल तरुण दलले निर्वाचन आयोग घेर्ने घोषणा गरेको छ । तरुण दलले पार्टीभित्रका निर्णयहरू एकपक्षीय र अलोकतान्त्रिक भएको आरोप लगाउँदै दबाबमूलक आन्दोलनको चेतावनी दिएको हो ।
