लेबनानमा इजरायली आक्रमणमा ५२ जनाको मृत्यु

काठमाडौँ-इजरायली आक्रमणमा लेबनानमा कम्तीमा ५२ जनाको मृत्यु भएको छ भने १५४ जना घाइते भएका छन् ।लेबनानी सरकारको विपद् तथा व्यवस्थापन एकाइका अनुसार, दक्षिण र पूर्वी लेबनानका साथै बेरुतका दक्षिणी उपनगरहरूमा भएको बमबारीका कारण २८ हजार ५०० भन्दा बढी मानिस विस्थापित भएका छन् ।
इजरायली सेनाले बेरुतको दक्षिणी उपनगरका बासिन्दाहरूलाई अनिवार्य रूपमा ठाउँ खाली गर्न चेतावनी जारी गरेको छ ।विशेष गरी इजरायलका अरबी भाषाका प्रवक्ताद्वारा साझा गरिएको नक्सामा पहिचान गरिएको एउटा भवन र त्यस वरपरका क्षेत्रलाई लक्षित गर्दै यो चेतावनी दिइएको हो ।एजेन्सी