काठमाडौँ- अर्थमन्त्री रामेश्वर खनालले आफूलाई मन्त्रीको हैसियतमा उपलब्ध गराइएको कूटनीतिक राहदानी (रातो पासपोर्ट) सरकारलाई फिर्ता गरेका छन्।
खनालले मंगलबार उक्त राहदानी परराष्ट्र मन्त्रालय अन्तर्गतको राहदानी विभागमा फिर्ता बुझाउन अर्थ मन्त्रालयको प्रशासन महाशाखामार्फत अनुरोध गरेका हुन्।
अर्थ मन्त्रालयको प्रशासन महाशाखामा बुझाएको पत्रमा उनले लेखेका छन्, “मलाई अर्थमन्त्रीको हैसियतमा प्रयोग गर्न उपलब्ध गराइएको कूटनीतिक राहदानीको प्रयोजन समाप्त भएकाले परराष्ट्र मन्त्रालयको राहदानी विभागमा फिर्ता बुझाइदिनुहुन अनुरोध गर्दछु।”
जेन–जी आन्दोलनपछि गठन गरिएको अन्तरिम सरकारको अर्थमन्त्री नियुक्त भएपछि खनाललाई कूटनीतिक पासपोर्ट (रातो पासपोर्ट) उपलब्ध गराइएको थियो। हाल उनले सोही पासपोर्ट सरकारलाई फिर्ता गरेका हुन्।
Discussion about this post