भदौ २४ को घटना छानबिन गर्न उच्चस्तरीय समिति गठन गर्ने सरकारको निर्णय

काठमाडौं – सरकारले भदौ २४ गते घटेको घटनाको सत्यतथ्य छानबिन गर्न उच्चस्तरीय समिति गठन गर्ने निर्णय गरेको छ ।मन्त्रिपरिषद्को शुक्रबार बसेको बैठकले स्वीकृत शासकीय सुधारसम्बन्धी १०० बुँदे कार्यसूचीमा यस विषयलाई प्राथमिकताका साथ समेटेको छ।
सरकारका अनुसार, नवगठित समितिलाई सम्पूर्ण विवरण संकलन, विश्लेषण र जिम्मेवार पक्षको पहिचान गरी निश्चित समयसीमाभित्र प्रतिवेदन पेस गर्ने जिम्मेवारी दिइनेछ।समितिले बुझाएको सिफारिसको आधारमा घटनामा संलग्नहरूमाथि आवश्यक थप कारबाही र अभियोजन प्रक्रिया तत्काल अघि बढाइने सरकारको स्पष्ट जनाएको छ।यसैगरी, भदौ २३ र २४ गतेको जेनजी आन्दोलनलगायतका प्रदर्शनका क्रममा भएका घटनाबाट प्रभावित परिवार र नागरिकहरूको न्याय, पुनर्स्थापना र राज्यप्रतिको विश्वास फर्काउन सरकारले एकीकृत पहल गर्ने योजना बनाएको छ।
सरकारले यसअघि नै गठन गरेको पूर्वन्यायाधीश गौरीबहादुर कार्की आयोगको प्रतिवेदनमा उल्लेखित दोषी व्यक्ति र पक्षहरूमा प्रचलित कानुनबमोजिम अनुसन्धान र कारबाही प्रक्रिया तुरुन्त अघि बढाउने दाबी गरेको छ।