काबुल । अफगानिस्तानको सत्ताको वागडोर सम्हाल्दै आएको तालिबान समूहले कतारलाई अफगानिस्तानमा लगानी गर्न आग्रह गरेको छ । तालिबानका प्रवक्ता जबीउल्लाह मुजाहिदका अनुसार अन्तर्राष्ट्रिय समुदाय र अफगानिस्तानबीचको सम्बन्ध सुधारका लागि कदम चाल्न कतारसँग लगानीका लागि आग्रह गरेको छ ।
कतारका प्रधानमन्त्री तथा विदेशमन्त्री शेख मोहम्मद बिन अब्दुलरहमान अल थानी कान्दाहार भ्रमणमा रहेका बेला तालिबान समूहका प्रवक्ताले कतारलाई अन्तर्राष्ट्रिय समुदाय र अफगानिस्तानबीचको सम्बन्ध सुधारका लागि कदम चाल्न अनुरोध गरेको टोलो न्यूजले जनाएको छ ।
“हामीले कतारलाई उनीहरूको निरन्तर सहयोगको लागि आग्रह गर्यौँ र केही देशमा विद्यमान चिन्ता र शङ्का हटाउन कूटनीतिमा प्रभावशाली कदम चाल्न आग्रह गर्यौँ ।
राजनीतिक विश्लेषक बर्ना सालेहीले भनिन्, “तालिवानबारे चिन्ता व्यक्त गर्दै हालैको (दोहा) बैठकपछि अरब मुलुकहरूबाट अर्को सन्देश आएको थियो ।”
राजनीतिक विश्लेषक नेमातुल्लाह बिजानले भने, “यदि अन्तर्राष्ट्रिय समुदायले कतारमार्फत तालिबानसँग आफ्नो सम्बन्ध सुधारर्न चाहन्छ भने मलाई लाग्छ कतारको प्रमुख प्रभावलाई नजरअन्दाज गर्न सकिँदैन र यसले तालिबानलाई उनीहरूको सम्बन्ध सुधारमा मद्दत गर्न सक्छ ।”
यसैबीचकतारका प्रधानमन्त्रीले अमेरिकी विदेशमन्त्री एन्टोनी ब्लिन्केनसँग कुरा गरी द्विपक्षीय सम्बन्ध र अफगानिस्तानको अवस्थाबारे छलफल गरेको कतारको विदेश मन्त्रालयले जारी गरेको विज्ञप्तिमा उल्लेख छ ।
सम्झौतामा हस्ताक्षर गर्न यसले महत्त्वपूर्ण भूमिका खेलेको हुनाले यसले हाल इस्लामिक इमिरेट्स र अन्तर्राष्ट्रिय समुदायबीच संलग्नता विस्तारमा महत्त्वपूर्ण भूमिका खेल्छ,” उपअर्थमन्त्री अब्दुल लतिफ नजरीले भने ।
कतारले अमेरिका र तत्कालीन इस्लामिक इमिरेट्सको राजनीतिक कार्यालयबीच शान्ति वार्ताको आयोजना गरेको थियो जसको परिणामस्वरूप अमेरिका र तालिवानबीच शान्ति सम्झौता पनि भएको थियो ।
यस दृष्टिकोणको कतिपयले आलोचना गरेका थिए । कतारको मुख्य चासो क्षेत्रीय मध्यस्थकर्ताको रूपमा आफ्नो स्थितिलाई बलियो बनाउनु हो । कतार र तालिवानबीचको सम्बन्ध नयाँ मात्र हो । सन् २०१३ मा नै कतारले बाराक ओबामाको नेतृत्वमा अमेरिकी प्रशासनको सहयोगमा तालिबानलाई दोहामा कार्यालय खोल्न अनुमति दिएको थियो ।
त्यतिबेला वासिङ्टनले अफगानिस्तानबाट सेना फिर्ता गर्ने तयारीका लागि इस्लामिक मिलिशियासँग वार्ताका लागि तटस्थ स्थानको खोजी गरिरहेको थियो । सन् २०१८ देखि तालिबानका संस्थापक सदस्यमध्येका एक मुल्लाह अब्दुल गनी बरादरले कतारमा आफ्नो प्रतिनिधित्वको नेतृत्व गर्दै आएका छन् ।-(रासस/एएनआई)
Trending Now
- The presence of startups from the United Kingdom, Germany, the US and the Region of Latin America grows among the 100 finalists of the Startup Competition 2024
- India in Nepal (Embassy of India Kathmandu) hosted 20 Nepali ITEC Alumni from the course on Water Resource Development & Management held at National Water Academy, Pune
- Finance Minister of Nepal Mr. Barsha Man Pun launched 3rd edition of the Handbook for Indian Investors Investing in Nepal by Nepal-India Chamber of Commerce & Industry at the Nepal Investment Summit 2024
- The way to the fourth camp of Everest is open
- नेपाल प्रज्ञा प्रतिष्ठानद्वारा कविता महोत्सव–२०८१ का लागि कविता आह्वान
- Israel airstrike in Rafah, at least 20 dead
- Investment conference concluded: These are the important deals
- रोशन थापाको ‘सन्त्रासका साठी दिन’ बजारमा
- मोहन वैद्य नेतृत्वको पार्टी फुट्यो
- रास्वपा र नेकपा एसकासहित १६ उम्मेदवारको जमानत जफत
Comments are closed.