शकुन ज्ञवालीको “खबरमा छु प्रिय” मुक्तकसंग्रह लोकार्पण

परदेशमा रहेर पनि आफ्नो लेखन यात्रालाई अगाडि बढाउदै आउनु भएकी मुक्तककार तथा कवियत्री शकुन ज्ञवालीको “खबरमा छु प्रिय” लोकार्पण भएकाे छ । अन्तर्राष्ट्रिय नेपाली साहित्य समाज, न्युयोर्क च्याप्टरले भव्य समारोहको आयोजना गरि मुक्तककार शकुन ज्ञवालीको मुक्तककृति “खबरमा छु प्रिय !”को लोकार्पण गरेकाे हाे।
सो कृतिको लोकार्पण वरिष्ठ कानुनविद् सर्जक विनोद रोक्का लगायतले गर्नु भयाे । कार्यक्रमका प्रमुख अतिथि रहनु भएका रोक्काले आफ्नो विशेष मन्तव्य राख्दै साहित्यकार शकुन ज्ञवालीलाई पुस्तक प्रकाशको लागि बधाई ज्ञापन गर्नु भयो ।
“खबरमा छु प्रिय” मुक्तकसङ्ग्रहमा १८२ ओटा मुक्तक रहेका छन् । लोकार्पित यस कृतिको समीक्षा अनेसास न्युयोर्ककी कवि रश्मी भट्टले गर्नु भएको थियो ।
कार्यक्रम अनेसास न्युयोर्कका अध्यक्ष राजन महर्जनको सभापतित्व सम्पन्न भएको थियो । कार्यक्रममा स्वागत मन्तव्य उपाध्यक्ष लक्ष्मी श्रेष्ठले गर्नु भएको सो कार्यक्रमको सञ्चालन महासचिव जानुका वस्ती ढकाल र लक्ष्मी श्रेष्ठले गर्नु भएको थियो ।
कार्यक्रममा साहित्यकार शकुन ज्ञवालीलाई अनेसास न्युयोर्क च्याप्टर, सप्तरङ्गी साहित्य प्रतिष्ठान, पोखरा, तारा किशन फाउन्डेसनलगायतले सम्मान-पत्र, मायाको चिनो, दोसल्लालगायतले सम्मान गरेको थियो भने उपस्थित अन्य संस्थाका प्रतिनिधि, साहित्यकार, पत्रकारहरुले खादा र मालाबाट बधाई ज्ञापन गरेका थिए ।
यसैगरी वरिष्ठ लोकगायिका प्राज्ञ हरिदेवी कोइरालालाई स्रष्टा सम्मान गरिएको थियो ।
कार्यक्रममा पोखरा प्रज्ञा प्रतिष्ठानका कुलपति पद्मराज ढकाल, साहित्यकारहरु महेश्वर पन्त, किशनसिंह धामी, कमला प्रसाईं, संस्कृतिविद् हनिफ मिंय, अनेसास उपाध्यक्ष राजेन्द्र श्रेष्ठ, आनन्द श्रेष्ठलगायतको उपस्थिति रहेको थियो ।