ज्ञान्दरी कैनीको ‘मञ्जरी’ सार्वजनिक

काठमाडौं: स्रष्टा ज्ञान्दरी कैनीको गजलसंग्रह ‘मञ्जरी’ सार्वजनिक भएको छ । शुक्रबार राजधानीमा एक विशेष सामारोहबीच वरिष्ठ गीतकार डा. कृष्णहरि वरालको प्रमुख आतिथ्यता र अन्तर्राष्ट्रिय नेपाली साहित्य समाजका निवर्तमान अध्यक्ष एवं सल्लाहकार राधेश्याम लेकाली, अनेसासकी उपाध्यक्ष बाबा बस्नेत, साहित्यकारहरु ज्ञानुवाकर पौडेल, युवराज नयाँघरे, बरिष्ठ संगीतकार राजु सिंह, सखी प्रतिष्ठानकी अध्यक्ष मन्जिला अनिल, संगीतकार सागर शरद अधिकारी र तीर्थ भट्टलगायतकाको आतिथ्यतामा गजलसंग्रह ‘मञ्जरी’ सार्वजनिक भएको हो । एल्बम स्रष्टा कैनीको जन्मोत्सवको अवसरमा सार्वजनिक गरिएको हो । सो अवसरमा वर्थ डे केक पनि काटिएको थियो ।

कार्यक्रममा राधेश्याम लेकाली, बाबा बस्नेत, ज्ञानुवाकर पौडेल, युवराज नयाँघरे, मन्जिला अनिल, सागर शरद अधिकारीले शुभकामना मन्तव्य राख्नु भएको थियो ।

पछिल्लो समय साहित्य लेखनमा सक्रिय ज्ञान्दरी कैनीको यो पहिलो सार्वजनिक गीति एल्बम हो । २०४७ सालमा मधुपर्कमा पहिलो गजल प्रकाशन गर्नुभएकी ज्ञान्दरी गीत, गजल, मुक्तक, लघुकथा, हाइकु लेखनमा सक्रिय हुनुहुन्छ । साझा प्रकाशनलगायत विभिन्न संघ संस्थामा आवद्ध ज्ञान्दरी अल्टा ग्राफिक्स प्रिन्टिङको सञ्चालक पनि हुनुहुन्छ ।

सञ्चारकर्मी राधिका अधिकारीले सहजिकरण गरेको एल्बम सार्वजनिक समारोहमा एल्बमसँग जोडिएका विभिन्न व्यक्तित्वलाई प्रशंसा–पत्र प्रदान गरिएको थियो भने प्रमुख अतिथिलाई मायाको चिनो प्रदान गरिएको थियो ।