इमरान खानको पार्टी कार्यालयमा चल्यो बुलडोजर

इस्लामवाद । इमरान खानको पार्टी पाकिस्तान तहरीक–ए–इन्साफ (पीटीआई) को केन्द्रीय सचिवालयमा बुलडोजर चलेको छ । राजधानी विकास प्राधिकरण (सीडीए) ले इस्लामवादमा रहेको पार्टीको सचिवालय भत्काएको हो । इमरान खानले सो कार्यको विरोध गरेका छन् ।
वर्तमान सरकारले राजनीतिक दलको कार्यालयको गरिमा हनन् गरिरहेको उनको भनाइ छ । बिहीबार सीडीएको अतिक्रमण विरोधी टोलीले अवैध निर्माण तथा अतिक्रमण हटाउने अभियान चलाएको थियो ।
पीटीआई सचिवालयको एक भाग भत्काइएको थियो । जानकारीका अनुसार अतिक्रमण विरोधी टोलीले जिल्ला प्रशासनसँग मिलेर पीटीआईको मुख्यालयमा ताल्चा लगाइदिएको थियो । पीटीआईका पूर्व प्रधानमन्त्री इमरान खान र उनकी श्रीमती जेलमा छन् ।