अनेसास उपाध्यक्षको पदमा डा.रेणुका बस्नेत थापाको उम्मेदवारी र प्रविद्धता

अन्तर्राष्ट्रिय साहित्य समाज विश्वभरि फैलिएर रहेको तीन दशक जेठो अन्तर्राष्ट्रिय स्तरको साहित्यिक संस्था हो । नेपाली भाषा साहित्यको विकास र प्रवर्द्वनका लागि यस संस्थाले ठूलो योगदान पुर्‍याएको छ ।

यो संस्थाको नेपाल च्याप्टरमा सदस्य, उपाध्यक्ष, केन्द्रीय सदस्य पदमा रहेर काम गर्दै आएकी मैले आसन्न निर्वाचनमा उपाध्यक्षको पदमा उम्मेद्वारी दर्ता गरेकी छु । अनेसासको उपाध्यक्ष पदमा निर्वाचित हुन सफल भएँ भने तपसिल बमोजिमका काममा मेरो विशेष ध्यानाकर्षण रहनेछ ; –

अनेसास केन्द्रको सचिवालय नेपालमा रहेको हुँदा यसलाई व्यवस्थित गर्ने । –

अनेसासले आफ्नै भवन खरिदको प्रकृया अगाडि सारेको छ, सो कार्यलाई सफल बनाउन सहयोग गर्ने, –

अनेसास ट्रस्टी, केन्द्र, च्याप्टर र आजीवन सदस्यहरूबीच सुमधुर सम्बन्ध स्थापित गर्न/गराउन विशेष पहल गर्ने, –

अनेसासको प्रत्येक काम र हरहिसाबलाई थप पारदर्शी र व्यवस्थित बनाउन पहल गर्ने –

विभिन्न विषय र विधाका विशेष कृति प्रकाशनको काममा सहयोग गर्ने, –

उत्कृष्ट कृति विभिन्न भाषामा अनुवाद गरेर विश्वबजारमा पुर्‍याउने अनेसासको योजनामा सहयोग गर्ने, –

विधागत कार्यशाला गोष्ठीको आयोजना गर्ने, –

अनेसास एसिया क्षेत्रमा निष्कृय रहेका च्याप्टरलाई सक्रिय बनाउन पहल गर्ने ,

अनेसासका नयाँ च्याप्टर स्थापना गर्न प्रोत्साहन गर्ने एवम् स्थापना भएका च्याप्टरहरूलाई व्यवस्थित गर्ने, –

अनेसास क्षेत्रीय सम्मेलन आयोजना गर्ने, –

अनेसास एसिया क्षेत्रभित्र रहनुभएका सदस्यहरूलाई चलायमान बनाउन समय समयमा विविध कार्यक्रमहरू आयोजना गर्ने र नयाँ सदस्य बन्न आकर्षित बनाउने,

-NRNA र नेपाल प्रज्ञा प्रतिष्ठानसँग सहकार्य गर्ने अनेसासको योजना सफल बनाउन सक्दो पहल गर्ने, –

विश्वभरिबाट नेपाल आइपुग्नुहुने नेपाली साहित्यकारलाई स्वागत, सम्मान एवम् कृति प्रकाशन, विमोचन, चर्चापरिचर्चाका क्रममा सहयोग गर्दै लेखन क्षेत्रमा प्रेरणा दिने । –

अनेसास अनलाइन पत्रिका दर्पण र अन्तर्दृष्टि कृति नियमित प्रकाशन गर्ने कार्यलाई जोड दिने, –

अनेसासका अग्रज सदस्यलाई सम्मान र अनुजलाई अवसर एवम् प्रोत्साहन दिने संस्कारको थालनी गर्ने ।