अवैध लागूऔषध सहित पक्राउ   

नवलपरासी (पूर्व), १९ भदौ

गैडाकोट नगरपालिका-२ स्थित सडकबाट अवैध लागूऔषध खैरो हेरोइन जस्तो देखिने पदार्थ करिब ९० ग्राम सहित बर्दिया गुलरिया नगरपालिका-१२ लालपुर बस्ने ३० वर्षीय नुर आलम खाँलाई आइतबार बिहान प्रहरीले पक्राउ गरेको छ ।

बाँकेबाट काठमाडौंतर्फ आउँदै गरेको बा.१६ च १६७३ नम्बरको भ्यानलाई ईलाका प्रहरी कार्यालय गैडाकोटबाट खटिएको प्रहरीले जाँच गर्ने क्रममा भ्यानमा सवार नुर आलमलाई उक्त पदार्थ सहित फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।