प्रा.डा.माधवप्रसाद पोखरेल र जलेश्वरी श्रेष्ठलाई पुरस्कार

काठमाडौँ :  दायित्व वाङ्मय प्रतिष्ठानले भाषावैज्ञानिक एवं समालोचक  प्रा.डा.माधवप्रसाद पोखरेल र कथाकार जलेश्वरी श्रेष्ठलाई पुरस्कृत गर्ने भएको छ । प्रतिष्ठानले कुमार-सरस्वती पुरस्कारबाट प्रा.डा.पोखरेललाई र शङ्कर कोइराला आख्यान पुरस्कारबाट कथाकार श्रेष्ठलाई पुरस्कृत गर्ने भएको हो ।

प्रतिष्ठानको कार्यसमितिको हालै बसेको बैठकले पोखरेल र श्रेष्ठाले भाषा , साहित्यमा पुर्याएको योगदानको कदर गर्दै पुरस्कृत गर्ने निर्णय गरेको हो ।

दुवै पुरस्कारहरू शङ्कर कोइराला जन्मजयन्तीको अवसर पारेर आगामी कार्तिक २६ गते काठमाडौंमा एक समारोहको आयोजना गरी प्रदान  गरिने प्रतिष्ठानले जानकारी गराएको छ । यी दुवै पुरस्कारको राशि जनही २५,००० ।-(पच्चीस हजार रुपैयाँ)रहेको छ।