अफगानिस्तानबिरुद्धको एक मात्र टेष्ट क्रिकेटका लागि बंगलादेशको टोेली घोषणा

बंगलादेशले अफगानिस्तान बिरुद्ध १४ जुनदेखि हुने एकमात्र टेष्ट म्याचको लागि लिटन दासको नेतृत्वमा १५ सदस्यीय क्रिकेट टोलीको घोषणा गरेको छ ।

बंगलादेश क्रिकेट बोर्डले १४ जुनदेखि टेष्ट क्रिकेट खेल्न अफगानिस्तानको टोली १० जुनमा बंगलादेश आईपुग्ने जनाएको छ । उक्त एक मात्र टेष्ट म्याच मीरपुरस्थित शेर–ए बंगला स्टेडियममा हुनेछ ।

विकेट किपर ब्याट्सम्यान लिटन दासले अहिलेसम्म चार वटा एकदिवसिय क्रिकेट खेलमा कप्तानको भूमिका निभाई सकेका छन । टेष्ट क्रिकेटमा भने पहिलो पटक उनलाई कप्तानको जिम्मेवारी दिईएको छ ।

बंगलादेशका टेष्ट कप्तान शाकिव अल हसन औंलाको चोटका कारण अहिले टोलीबाट बाहिरिएका छन । उनको अनुपस्थितमा लिटनलाई कप्तानको जिम्मेवारी दिइएको हो ।