पत्रकार प्रताप विष्टद्वारा लिखित पुस्तक ‘छेलिएका अनुहार’ विमोचन

मकवानपुर — पत्रकार प्रताप विष्टलद्वारा लिखित पुस्तक ‘छेलिएका अनुहार’विमोचन गरिएको छ । चेपाङ, वनकरिया समुदाय र गाडी बोक्नेहरुको अनुभव समेटिएको पुस्तक शनिबार हेटौंडामा विमोचन गरिएको हो ।

वाग्मती प्रदेशका भौतिक पूर्वाधार विकास राज्यमन्त्री सन्तबहादुर चेपाङ, हेटौंडा उपमहानगरपालिकाका मेयर मीनाकुमारी लामा, कान्तिपुर दैनिकका सम्पादक उमेश चौहानले संयुक्तरुपमा पुस्तक विमोचन गरेका हुन् । २०४९ साल फागुन १३ गतेदेखि कान्तिपुर दैनिकमा आबद्ध भएका विष्टले २०५० सालमा अल्पसंख्यक चेपाङ समुदायको विषयमा समाचार लेख्न सुरु गरेका थिए । २०५२ सालमा वनमै रहेका वनकरिया समुदायको विषयमा समाचार लेखेका विष्टलाई चेपाङ र वनकरियाको पत्रकारको रुपमा उपमा समेत दिने गरेको छ।