व्यापारी एलन मस्कमाथि जाँच पड्ताल सुरु

एजेन्सी । ब्राजिलको सर्वोच्च अदालतका एक न्यायाधीशले अमेरिकी खर्बपति व्यापारी एलन मस्कमाथि जाँच पड्ताल सुरु गरेका छन् । न्यायाधीशले ब्लक गर्न आदेश दिएको एक्स खातालाई आफूले पुनः एक्टिभेट गराइदिएको मस्कको अभिव्यक्तिपछि उनीमाथि छानबिन सुरु भएको हो ।
अदालतको आदेश असंवैधानिक भएकोले खाता फुकुवा गरेको भन्दै मस्कले एक्समा एउटा पोस्ट गरेका थिए । उनले न्यायाधीश अलेक्जान्द्रे डि मोराइसलाई राजीनामा दिन वा महाभियोगको सामना गर्न पनि भनेका थिए । एक्सले आदेशको पालना गरेन भने यसले दिनकै १९ हजार ७७४ डलर तिर्नु पर्नेछ । मस्कले सर्वोच्च अदालतविरुद्ध गलत सूचना अभियान सुरु गरेको मोराएइसले फैसलामा भनेका थिए ।
मस्कले फुकुवा गरेको खाता चरम दक्षिणपन्थी अभियानसँग सम्बन्धित भएको र यसले गएको वर्ष जनवरी ८ को एउटा दंगासँग सम्बन्धित सामाग्री पोस्ट गरेको थियो । एक्सलाई ब्राजिलमा प्रतिबन्ध लगाउने निर्णय गरेपछि मोराएसको चर्चा चुलिएको थियो । दंगासम्बन्धी मामिलामा मोराइसले राष्ट्रपति जेयर बोल्सोनारो र उनका समर्थकहरूमाथि पनि छानबिन सुरु गरेका छन् ।