कारको ठक्करबाट ३ जनाको मृत्यु  

रुपन्देही, १४ कात्तिक

ओमसतिया गाउँपालिका-४ पननीस्थित सडकमा हाल नम्बर नखुलेको कारको ठक्करबाट ३ जनाको सोमबार साँझ मृत्यु भएको छ । मृत्यु हुनेहरुमा ओमसतिया गाउँपालिका-४ पननी बस्ने १४ वर्षीया सिमा कुर्मी, २८ वर्षीया प्रमिला कुर्मी र २४ वर्षीय वन्धना कुर्मीको ३५ दिनको छोरा नाम नखुलेको बच्चा रहेका छन् । ठक्करबाट गम्भीर घाइते भएका सिमा कुर्मीको भिम अस्पताल भैरहवामा, प्रमिला कुर्मीको मेडिकल कलेज भैरहवा र वन्धना कुर्मीको छोराको मेडिकल कलेज भैरहवामा उपचार क्रममा मृत्यु भएको हो । साथै कारको ठक्करबाट घाइते भएका अन्य २ जनाको मेडिकल कलेज भैरहवामा उपचार भइरहेको छ ।

हाल फरार रहेका कार चालकको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।