बर्दिया, २७ असार
गुलरिया नगरपालिका-९ गोडियनपुर बस्ने ४० वर्षीया मिना गोडियाको आफ्नै एक तले घरको छतबाट खसेर सोमबार बिहान मृत्यु भएको छ ।
छतमा सुतेकोमा छतबाट खसेर गम्भीर घाइते भएकी उनको बर्दिया अस्पतालतर्फ लैजाने क्रममा बाटोमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय बर्दिया र ईलाका प्रहरी कार्यालय मथुराबाट खटिएको प्रहरीले यस सम्बन्धमा थप अनुसन्धान गरिरहेको छ ।
