पहिरोमा परी मृत्यु

अछाम, १ असोज
कमलबजार नगरपालिका-८ डुंगाला बस्ने खिउरे दमाईको घर शनिबार बिहान
आएको पहिरोले पुरिँदा २६ वर्षीय गम्भी दमाई, २३ वर्षीया भाना दमाई, ६ वर्षीया डिक्रा
दमाई, ३ वर्षीया कलु दमाई र ४ वर्षीया कल्पना दमाईको मृत्यु भएको छ । पहिरोले घर
पुरिएको भन्ने खबर प्राप्त हुनासाथ ईलाका प्रहरी कार्यालय कमलबजारबाट खटिएको
प्रहरीले ५ जनाको शव फेला पारेको र ६५ वर्षीया खण्टी दमाईलाई सकुशल उद्दार गरेको
थियो । साथै सोही नगरपालिका-६ ठाटीखाँद बस्ने ईन्द्र कामीको घर समेत शनिबार बिहान
पहिरोले पुरिँदा ४ जनाको मृत्यु भएको छ । पहिरोले घर पुरिएको भन्ने खबर प्राप्त हुनासाथ
जिल्ला प्रहरी कार्यालय अछामबाट खटिएको प्रहरीले ४ जनाको शव फेला पारेको हो । साथै
पहिरोमा परी घाइते भएका ७ जनालाई उपचारको लागि जिल्ला अस्पताल अछाम
पठाइएको छ । हाल बेपत्ता रहेका ३ जनाको खोजी तथा उद्धार कार्य भइरहेको छ ।
यसैगरी अछाम तुर्माखाद गाउँपालिका-५ नाडा बस्ने नेत्र बहादुर शाही र रित बहादुर
शाहीको घर शनिबार बिहान पहिरोले पुरिँदा ४ जनाको मृत्यु भएको छ भने ५ जना वेपत्ता
भएका छन् । पहिरोले घर पुरिँदा मानिसहरू च्यापिएको भन्ने खबर प्राप्त हुनासाथ प्रहरी
चौकी ढुङ्गाचाल्नाबाट खटिएको प्रहरीले ४ जनाको शव फेला पारेको हो । हाल वेपत्ता ५
जनाको खोजी तथा उद्धार कार्य जारी रहेको छ ।
यसैगरी अछामकै ढकारी गाउँपालिका-६ सिमाने बस्ने हर्क बहादुर बुढाको घर
शनिबार बिहान आएको पहिरोले पुरिँदा घरमा रहेका १ जनाको मृत्यु भएको छ भने ३
जना घाइते भएका छन् । पहिरोले घर पुरिएको भन्ने खबर प्राप्त हुनासाथ प्रहरी चौकी
ढकारीबाट खटिएको प्रहरीले ३ जना घाइतेलाई उद्धार गरी हेलिकप्टरद्वारा प्रादेशिक
अस्पताल सुर्खेत पठाएको छ । घाइतेमध्ये २ जनाको अवस्था गम्भीर र १ जनाको सामान्य
रहेको छ ।